Dette hevdar Gro Hovland, som har koordineringsansvaret for masterutdanninga i anestesi-, operasjon- og intensivsjukepleie ved campus Førde. «Ei oppgradering av vidareutdanningane til masternivå vil auke den enkelte student si evne til kritisk og analytisk tenking. Sjukepleievurderingane skal gjerast på grunnlag av oppdatert forsking for å sikre at pasienten bli ivaretatt på ein god måte» Seier Gro Hovland.

Ti studentar starta våren 2018 på masterprogrammet ved campus Førde. Tove Eikeseth Klakegg er ein av desse ti, og blir ein av dei fyrste intensivsjukepleiarane i Førde med mastergrad. Hennar masterprosjekt skal fokusera på mobilisering av intensivpasientar.

Tidleg mobilitet av dei sjukaste
Klakegg skal i si masteroppgåve sjå på korleis intensivsjukepleiar, legar og fysioterapeutar ser på tidleg mobilisering av intensivpasientar. Ho skal omsetje eit spørjeskjema som blir brukt på intensivavdelingar i Canada til norske forhold, og teste dette ut.

Masterstudent Tove Eikeseth Klakegg

«Tidleg mobilisering vil seie at me vil ha pasientane så tidleg som mogleg opp av senga og trena dei» forklarar Klakegg. Det er mykje som ligg i mobilisering, alt frå passive rørsler, der fysioterapeutane beveger på armar og bein til sengeliggjande pasientar, til at pasientane skal ut av senga og opp å gå. Det er viktig å starta mobiliseringa også av dei sjukaste så tidleg som mogleg for a unngå at pasientane skal få uynskja komplikasjonar av medisinsk behandling som til dømes tap av muskelmasse, trykksår, delirium og redusert funksjon i ledd.

Mobilitet fører til betre funksjonsnivå
Avdelingssjef Robert Brennersted ser gjerne at sjukepleiarar og andre gjennomfører praksisnære masterprosjekt som dette. «Når ein av våre tilsette gjennomfører eit slikt prosjekt, bidreg det til at praksis på intensivavdelinga forankrast i forskingsbasert akademisk kompetanse. Samstundes ser me at tidleg mobilisering av intensivpasientar har stor positiv påverknad på helsa til mange kategoriar pasientar,» seier han.

«Klakegg sitt masterprosjekt er eit godt døme på at masterutdanninga vil ruste sjukepleiarane til avansert klinisk arbeid samstundes som den gjer det mogleg for sjukepleiarane å forske på eige felt. Dette vil kunne bidra til livslang læring, karriereutvikling og utvikling av tenestene.» hevdar Gro Hovland.

Tove Eikeseth Klakegg har fått stipend på 15 000 kroner frå Helse Førde som støtte til å gjennomføre dette masterprosjektet. Klakegg tar masteren på sida av jobb på intensivavdelinga på sjukehuset.

Høgskuelektor Anne-Margrethe Hjertenes samne med studentane

Studentane presenterar funn frå forskingsprosjektet dei har delta i

Denne veka har prosjektleiar Anne Marie Sandvoll, saman med høgskulelektor Anne-Margrethe Hjertenes, høgskulelektor Hilde Søreide og Førstelektor Merete Dale  gjennomført seminar på sjukeheimane i Florø (Flora Omsorgssenter og Furuhaugane Omsorgssenter ) og i Sogndal. Prosjektet sjukepleiestudenten forskar i sjukeheim har no pågått i 3 år, sidan piloten med kull 67 som blir uteksaminert i desse dagar. Kvart kull av studentar som har vore ute i sjukeheim har delteke i forsking og presentert dette på sine praksisplassar. Studentane har henta inn skriftleg informert samtykke, registert ADL (aktivitetar i dagleglivet) ved hjelp av skjemat Barthel indeks, KMI, og tilleggsvariablar som besøk, aktivitetar, opphaldslengde samt kva romtype dei har.

Denne veka hadde vi oppsummeringar ute på sjukeheimane, der vi presenterte fleire funn frå heile studien, samt studentane sine erfaringar. I tillegg fekk vi viktige tilbakemeldingar frå praksisplassane som har delteke aktivt i prosjektet, som er støtta av samarbeidsmidlar. Praksisplassane tykkjer det er fint at vi forskar på denne gruppa pasientar, som etter deira erfaring får lite merksemd når det forsking. 

Studentane hadde ulike erfaringar, mellom anna at det kan vere utfordrande å hente inn informert samtykke dersom personen har demens. Når dette var henta inn, tykte dei sjølve datasamlinga gjekk greit. Og når dei no også fekk presentere resultat for avdelinga formidla dei at alt falt på plass. «No forstår eg kva eg har vore med på» var noko av det dei formidla. Studentane var veldig engasjerte i livet på sjukeheimen, og hadde god dialog med personalet.

Prosjektleiar Anne Marie Sandvoll saman med stolte studentar

Det kom fram mange gode refleksjoner, til dømes når vi registrerer aktivitet. Her fortalde den eine studenten at sjukeheimen eg er på har masse tilbod om aktivitetar, men bebuarane eg har følgt opp har ikkje krefter eller lyst til å delta. Prosjektet syner at studentane har fått innsikt i eldre sitt aktivitetsnivå og i forsking. Fokuset på ADL, KMI, besøk og aktivitetar er viktige område i dagens eldreomsorg, og resultatet frå dei innsamla data vert nytta i vitskaplege publikasjonar. Prosjektet har vore svært vellukka, og innfridd intensjonanene vi hadde. Vi har involvert studentar i forsking, samstundes som vi har  fått viktig informasjon om eldre sitt funksjons og aktivitetsnivå i sjukeheimar.

Rukan har kontor med oss på Tefre. Rukan skal jobba med innovasjon og nyskaping innan helse og utdanning! Velkomen på laget Gro!

Les saken her!

Fristen for å søka opptak til masterprogram i Sogn og Fjordane er utsatt til 15. april. Følgjande studie tilbod er utlyst innan helse- og sosialsektoren: 

Samhandling innan helse- og sosialtenester
Ønskjer du å tileigne deg kunnskap om tilrettelegging og koordinering av tenester for brukarar med samansette behov? Gjennom eit brukarsentrert utviklings- og livsfaseperspektiv fokuserer dette masterstudiet på møte med brukarar som har behov for koordinerte helse- og sosialtenester.

Klinisk sjukepleie – Anestesisjukepleie 
Anestesisjukepleiaren er den første som møter pasienten på operasjonsavdelinga, og den siste som forlet pasienten ved overføring til oppvakningsavdelinga. Ein ser eit auka behov i helsetenesta for sjukepleiarar med spesialkompetanse innan klinisk arbeid, som kan initiere og delta aktivt i fagleg utviklingsarbeid, undervisning, forskning og helseleiing.

Klinisk sjukepleie – Intensivsjukepleie 
Ein pasient som blir akutt og kritisk sjuk treng intensivsjukepleie heile døgnet. Gjennom studiet i intensivsjukepleie får du tileigne deg kunnskap og utvikle kompetanse for å kunne ta ansvar for dei akutt og kritisk sjuke pasientane.