Fredag 29. september arrangerte Høgskulen Forskarnatt. Høgskulen inviterte 10.klassingar til ein heil aftan med forsking, pizza, og konkurranse.  Dei fekk mellom anna programmera roboten vår, vera sjukepleiar for ein kveld og sjå på forskingsresultat om den psykiske helsa til sunnfjordingar. Studentane på Høgskulen stilte som guidar og instruktørar.

Firda kom også. Saka frå Firda kan du lesa her (betalingsmur)

På Forskarstand-up gav tre forskarar ved Høgskulen elevane ei kort innføring i forskinga si. Her fekk elevane svar på kvifor ein skal gidda å læra matematikk av førsteamanuensis Preben Gråberg Nes. Førsteamanuensis Kjetil Magne Dørheim Hals fortalde om den nye teknologien spintronikk, som  kjem til å endra smarttelefonane våre. Ikkje minst fekk elevane  vita at sykling er litt farleg, men fram for alt sunt, av professor John Roger Andersen. Han stilte på scena med både tights, sykkelhjelm og sjukepleiarfrakk .

Forskarnatt er eit internasjonalt arrangement som skjer samtidig over heile Europa. Meir enn 300 byar i 30 land er med. I år var Førde med for fyrste gong. Arrangementet skal visa fram forskingas samfunnsbetyding på ein engasjerande og interaktiv måte, og samtidig oppmuntre til utdanning og mogleg forskarkarrierar.

 

Gjennom forsking får vi tilgang til ny kunnskap om kreftbehandling og kreftmedisin. Visste du at pasientane sjølv kan be om å få delta i kliniske legemiddelstudiar, og på den måten få tilgang til ny og utprøvande behandling?

Kreftavdelinga i Helse Førde tilbyr nemleg pasientar å delta i kliniske studiar som testar ut nye behandlingar, både her og ved andre sjukehus.

I samband med Forskingsdagane 2017 kan du fredag 29. september klokka 10.00 til 13.00 treffe tilsette ved Kreftavdelinga i vestibylen på Førde sentralsjukehus. Der kan du få meir generell informasjon om kva det inneber å vere med i eit klinisk forskingsprosjekt, og korleis ein klinisk forskingsstudie går føre seg.

Ved kreftsjukdom vil den som er råka få tilbod om behandling basert på nasjonale retningsliner. Dei nasjonale handlingsprogramma for kreft inneheld tilrådingar om diagnostikk, utgreiing og behandling. Desse retningslinene frå Helsedirektoratet er å betrakte som tilrådingar, basert på oppdatert fagleg kunnskap utvikla nettopp gjennom klinisk forsking. Målet med forskinga er kunne å gje tilbod om betre og tryggare behandling. Dette kan vere i form av behandling som kan kurere, bremse sjukdomsutvikling eller gje betre lindring og livskvalitet.

Tett oppfølging, godt ivaretatt

Kliniske forskingsstudiar handlar om å dokumentere effekt og tryggleik ved bruk
av nye behandlingar. Ein viktig del av den kliniske forskinga er utprøving av ny og mogleg betre medisin. Nøye overvaking av biverknader er ein like viktig observasjon som effekt på sjukdom.
– I ein del tilfelle er dette eit tilbod om behandling som elles ikkje er tilgjengeleg. Utgangspunktet for ein klinisk legemiddelstudie er at ein trur det medikamentet eller medikamentkombinasjonen ein vil prøve ut gir tilsvarande eller betre effekt enn standardbehandlinga, seier avdelingsoverlege Geirfinn Vagstad ved Kreftavdelinga i Førde.
– Pasientar som deltek i studiar rapporterer ofte at dei føler at dei får tettare oppfølging og blir godt ivaretatt. Samstundes kan det å vere deltakar i ein studie bety at ein eventuelt må ha litt fleire besøk på sjukehuset, seier kreftsjukepleiar og studiekoordinator ved Kreftavdelinga, Kristin Vassbotn Guldhav.
Kreftavdelinga i Helse Førde er per i dag med i forskingsprosjekt mellom anna innan lindrande behandling, brystkreft, myelomatose (beinmargskreft) og Myelodysplastisk syndrom (beinmargssvikt).

Snakk med legen din om forsking

– Målet er at vi på sikt skal kunne tilby studiar innan fleire kreftformer og behandlingar, slik at pasientar kan sleppe å reise ut av eige fylke for å delta i kliniske studiar. Det er ressurskrevjande å drive med forsking, så tilbodet må byggjast opp gradvis. På dei område der Kreftavdelinga ikkje sjølv deltar i forskingsstudiar, har ein eit samarbeid med andre sjukehus i landet, seier studiekoordinatoren.
– Det er viktig for oss på kreftavdelinga at folk er klar over at ein kan snakke med legen sin om forsking. Om ein har ei kreftform som ikkje er omfatta av forskinga som vi er med på i Helse Førde, så har vi oversikt over og vurderer forskingsprosjekt ved andre institusjonar. Pasienten kan få hjelp til å bli tilvist til andre sjukehus der det kan vere aktuelle forskingsstudiar og vidare bli vurdert for tilbodet der, fortel Kristin Vassbotn Guldhav.

Ei felles nettside med alle kliniske forskingsprosjekt er tilgjengeleg på www.helsenorge.no.
Det er også nyleg laga ei informasjonsbrosjyre om kliniske studiar.

 2017 er i gang for fullt!

 

Posterutstilling:

I dag startar posterutstillinga som er eit samarbeid mellom fagmiljøa på Høgskulen og Helse Førde. Her får ein innsikt i forskinga som føregår på dei to institusjonane. Ein kan sjå posterutstillinga i Vestibylen på sjukhuset og i inngangspartiet på Høgskulen.

Tysdagsdebatten: «Vitskap utan formidling er ikkje vitskap»

Aldri før har det vore fleire forskarar i Sogn og Fjordane enn i dag. Desse forskarane utfører meir forsking og publiserer jamnare og oftare i internasjonale renommerte fagtidsskrift enn nokon gong. I Sogn og Fjordane bør vi vere både glade for og stolte av dette. Dyktige forskarar og framifrå forsking er i seg sjølv eit aktivum for fylket vårt.

Journalist Helge Johnsen og prorektor Bjørg Kristin Selvik vil innleie om forholdet mellom regionen, høgskulen og forskinga vår. Eit panel med fylkesmann Anne Karin Hamre, ordførar i Førde Olve Grotle, leiar i Sunnfjord næringsutvikling Rolf Sanne-Gundersen og konstituert viseadministrerande direktør i Helse Førde Anne Kristin Kleiven diskuterer kvifor Høgskulen er så usynleg i samfunnsdebatten.

Tid: Tysdag 26.september kl 19–21
Stad: Biblioteket på Høgskulen, Førde (ved Sjukhuset)

Dropp-inn seminar 29. september 2017

Høgskulen på Vestlandet og Helse Førde inviterer deg til ein twist-pose av eit seminar. Her får du med deg noko av det nyaste innan forsking frå helseforskingsmiljøet i Førde. Du berre «droppar inn» på dei føredraga DU synest er interessante!

Del 1. Stad: Førde sentralsjukehus, Auditoriet i 2.etasje.

Fredagsmøte
08:00 – 08:45 Maria Holsen: Om knesmerter, vernepliktige og kirurgi – presentasjon av avhandling om MR diagnostikk og langtidsresultat etter kirurgisk behandling.

Tema: Samhandling på kryss og tvers
09:00 – 09:20 Nyonga R. Amundsen: Innovasjon innanfor tolketenesta.
09:30 – 09:50 Tanja Strandheim: Det handlar om å bli kjent med kvarandre. Samhandling mellom primærhelsetenesta og døgnavdeling i distriktspsykiatrisk senter.

Tema: Psykisk helse – Verdiar og verdighet
10:00 – 10:20 Trond Aarre: Kva praktisk nytte har vi av dagens psykiatriske diagnostikk? (videooverf)
10:30 – 10:50 Stig Magne Solstad: Kva er viktig for deg? Eit lynkurs om meininga med livet.

Tema: Kunnskapsbasert praksis
11.00 – 11:20 Helga Osvold: Prøvetaking til blodkultur – myter og ny kunnskap. Slik jobbar vi med å utvikle kunnskapsbaserte fagprosedyrer på nasjonalt nivå.

Del 2. Stad: Høgskulen, Campus Førde, Auditorium Sogn

Tema: Pårørande
11:30 – 11:50 Marianne Fjose: Eldre kreftpasientar i palliativ fase og dei næraste familiemedlemmane sitt behov for hjelp og støtte.
12:00 – 12:20 Bente Egge Søvde og Gro Hovland: Streben for å oppretthalde eit verdig liv. Kommunale helsetenester sett ifrå pårørande si side.
12:30 – 12:50 Toril Terum: Samanhengen mellom nevropsykiatriske symptom ved demens og stress blant pårørande.

Tema: Verdiar og verdighet
13:00 – 13:20 Lars Kyte og Ole T. Kleiven: Sjukepleieverdiar under press
13:30 – 14:00 Wenche H. Vallestad og Marit Anita Sunnarvik: Verdigheit til siste andedrag – ein fenomenografisk studie av intensivsjukepleiarens oppfatningar.

Pårørande til personar med demens blir utsett for stor omsorgsbyrde

The relationship of specific items on the Neuropsychiatric Inventory to caregiver burden in dementia: a systematic review.

Det er i dag godt dokumentert at pårørande til personar med demens blir utsett for stor omsorgsbyrde, ofte med negative konsekvensar for dei pårørande sin økonomi, sosiale liv og helse. Forsking viser at nevropsykiatriske symptom ved demens (NPS) er den pasientvariabelen som i størst grad forklarar auka stress blant pårørande.

Den aktuelle artikkelen er ein systematisk litteraturgjennomgang, der ein undersøkjer samanhengen mellom spesifikke NPS og stress blant pårørande. Totalt 13 studiar vart inkludert. Storparten av pårørande er kvinner, deriblant flest barn og ektefelle. Funna indikerer at irritabilitet, agitasjon, endra døgnrytme, angst, apati og vrangførestillingar er symptom hos pasienten som pårørande opplever mest belastande. Mangfald i statistiske metodar gjer det imidlertid vanskeleg å trekke sikre konklusjonar.

Toril Marie Terum er stipendiat og er 50 % finansiert frå Regionalt kompetansesenter for eldremedisin og samhandling (SESAM) med midlar frå Norsk forskingsråd. Lokalt er Toril finansiert  25 % Førde kommune / USHT, Sogn og Fjordane, 12.5 % Høgskulen på Vestlandet og 12.5 % Helse Førde.

The relationship of specific items on the Neuropsychiatric Inventory to caregiver burden in dementia: A systematic review

Kunnskapsparken er kommerslialiseringsaktør for Helse Førde og Høyskolen på Vestlandet i Sogn og Fjordane, og skal aktivt arbeide for å kommersialisere ideer og forskningsresultat fra miljøene. For bedre å få ut potensialet så har partene gått sammen om en felles toårig prosjektstilling med lokalisering i Førde på Vie. Gjennom dette arbeidet så ønsker en å skape et miljø for nyskaping der forskningsresultat og gode ideer blir til livskraftige vekstbedrifter. Stillingen ligger administrativt under Kunnskapsparken, men partene deler på utgiftene.

Joachim Vie er tilsatt i stillingen. Han starter  i august og skal jobbe med innovasjon og forretningsutvikling innenfor miljøene. Joachim Vie kommer fra stillingen som daglig leder og prosjektleder i reklamebyrået Rein Design. Han er utdannet journalist, og har en bachelorgrad i økonomi og organisasjon med spesialisering innen regnskap og forretningsutvikling. I tillegg så har han bred erfaring innen markedsføring og prosjektutvikling.

Kunnskapsparken ser et stort potensiale i samarbeidet og gleder seg til arbeidet videre.

Saken er henta frå Kunnskapsparken Sogn og Fjordane